સામગ્રી :- - 2 નંગ બાફેલા બટેટા
- 1 ચમચી આદુ મરચાંની પેસ્ટ
- અડધી ચમચી મીઠું
- અડધી ચમચી ગરમ મસાલો
- 1 ચમચી લીંબુનો રસ
- કોથમીર જરૂર પ્રમાણે
- 4 નંગ બ્રેડ
- દૂધ જરૂર પ્રમાણે
- ટોમેટો સોસ જરૂર મુજબ
- તળવા માટે તેલ
- 1 નંગ ડુંગળી
- 1 નંગ બાફેલા બટેટાના ટુકડા
- 1 નંગ ટમેટું
- આંબલીની ચટણી
- કોથમીરની ચટણી
- દાડમના દાણા સજાવટ માટે
રીત :- સૌ પ્રથમ સ્ટફિંગ બનાવવા માટે બાફેલા બટેટાના માવામાં આદુ મરચાની પેસ્ટ, મીઠું, ગરમ મસાલો, લીંબુનો રસ અને કોથમરી ઉમેરી બરાબર મિકસ કરો. હવે બ્રેડને ગોળ આકારમાં કાપી લો. એક બ્રેડની સ્લાઇસ લઇ તેને દૂધમાં ડુબાડી તરતજ બહાર કાઢી બે હાથ વડે દબાવી નીતારી લો અને ત્યારબાદ તેના પર સોસ પાથરો. હવે તૈયાર કરેલું સ્ટફિંગ પણ બ્રેડ પર પાથરી દો અને ઉપર બીજી બ્રેડ મૂકી દબાવી દો, જેથી ખુલી ન જાય. ત્યારબાદ ગરમ તેલમાં સાવચેતીપૂર્વક આ બ્રેડની ટીક્કી ગુલાબી રંગની તળી લો. હવે એક ડીશમાં તળેલી ટીક્કીના ચાર કટકા કરો. ઉપર ઝીણી સમારેલી ડુંગળી, ટમેટાના ટુકડા, બાફેલા બટેટાના ટુકડા, સોસ, આંબલીની ચટણી, કોથમરીની ચટણી અને દાડમના દાણા પાથરી સર્વ કરો. |