એક મોટું જંગલ હતું. જંગલમાં એક હાથી રહેતો હતો. જંગલના છેડે ઘાસનું મેદાન હતું. ત્યાં એક મોટુ સરોવર હતું. સરોવરનાં પાણીમાં એક હિપોપોટેમસ રહેતો હતો. હાથી ઘાસનાં મેદાનમાં ફરવા આવે અને ઘાસ ખાય. ઘાસ ખાઈને હાથી સરોવરનાં પાણી પીએ. હાથી અને હિપોપોટેમસ ભેગા થઈને વાતો કરે. વાત વાતમાં બંને પાકા ભાઈબંધ થઈ ગયા. આખો દિવસ બંને સાથે હરે ફરે. એક દિવસ કાચબાએ બંન્ને ક્હયું, મને તમારો ભાઈબંધ બનાવો ને. ? હાથી અને હિપોપોટેમસ કહે, જા જા ! બળિયાની દોસ્તી બળિયા સાથે જ હોય. તારા જેવા નબળાને અમે અમારો ભાઈબંધ ન બનાવીએ."બંન્નેએ કાચબાને નબળો કહ્યો એટલે કાચબાને ખોટું લાગ્યું. તેણે નકકી કર્યું કે " હું પણ બળીયો છું, એવું હાથી અને હિપોપોટેમસની પાસે સાબિત કરાવીને જ રહીશ. એક વાર હાથી એકલો ઉભો હતો. કાચબાએ તેને જોયો, તે ઠચુક ઠચુક ચાલતો હાથી પાસે ગયો, કાચબો ધીમેથી હાથીને કહેવા લાગ્યો, તમારે મારી તાકાત જોવી છે. ? હાથી કહે " હા બતાડ જોઈએ "કાચબો કહે, હમણા આવું છું, એમ કહીને તે જંગલમાં ગયો અને એક લાંબુ દોરડું લઈ આવ્યો, દોરડાનો એક છેડો તેણે હાથીની સૂંઠમાં પકડાવ્યો. પછી કહે બીજો છેડો લઈને હું પાણીમાં જાઉં છુ. તમારામાં તાકાત હોય તો મને પાણીમાંથી બહાર પાછો ખેંચી કાઢજો." હાથી કહે જરૂર એક ઝાટકે જ ખેંચી કાઢીશ, કાચબો સરોવરમાં ગયો. કાચબાએ મોંમાંથી દોરડું કાંઢી નાંખીને સરોવરનાં પાણીમાં રહેલા એક મોટા પથ્થર સાથે બાંધી દીધું. હાથીએ દોરડું ખૂબ જોર લગાવીને ખેચ્યું. કાચબાને પાણીમાંથી બહાર કાઢવા માટે ખૂબ મહેનત કરી પણ તેને બહાર કાઢી શકયો નહી. તેણે વધારે જોર કરીને દોરડું ખેંચ્યું. પણ પથ્થર બહું ભારે હતો. હાથીને થયું, નાનકડા કાચબામાં આટલી બધી તાકાત ? તે વધું જોરથી દોરડું ખેંચવા લાગ્યો. "જોર કરતાં કરતાં દોરડું તૂટી ગયું, હાથી થાકી ગયો હતો. તે ફસડાઈ પડયો. દોરડાનો છેડો સૂંઠમાંથી પડી ગયો. આ જોઈને તરત જ કાચબાએ દોરડાનો છેડો પથ્થર પરથી છોડીને પોતાનાં મોમાં લઈ લીધો. પછી સરોવરની બહાર આવીને બોલ્યો, કેમ હાથીભાઈ પડી ગયા ને ? હાથીએ કાંઈ જવાબ ન આપ્યો. તેને એક નાનો અમથો કાચબો હરાવી ગયો. તેથી હાથીને ખૂબ લાગી આવ્યું. પણ હવે તે શું કરે ? હાથી ત્યાંથી જતો રહ્યો. બીજા દિવસે કાચબાએ હિપોપોટેમસને જઈ પૂછયું, તમે અને આ હાથી એ બેમાંથી વધારે બળવાન કોણ ? પાણીમાં હું બળવાન અને જમીન પર મારો ભાઈબંધ હાથી વધારે બળવાન." હિપોપોટેમસે જવાબ દીધો. કાચબો મોટે મોટેથી હસવા લાંગ્યો. " હા...હા...હા...પછી બોલ્યો, તમારા ભાઈબંધ હાથીને તો મે ગઈ કાલે જ હરીફાઈમાં હરાવી દીધો છે.હિપોપોટેમસ કહે, કાચબાભાઈ, એને હરાવો એનાથી શું વળે ? મને હરાવો તો તમને ખરા માનું ! " કાચબો તરત બોલ્યો, કાલે સવારે મુકાબલા માટે તૈયાર રહેજો. "બીજે દિવસે કાચબો દોરડું લઈને હિપોપોટેમસ પાસે હાજર થઈ ગયો. તે હિપોપોટેમસને કહે, તો લો, તમારા મોંમાં દોરડું અને મને સરોવરમાં ખેંચી જાવ જોઈએ. " હિપોપોટેમસ દોરડાનો એક છેડો લઈને સરોવરમાં ડુંબકી મારી ગયો. હિપોપોટેમસ જેવો સરોવરમાં ગયો કે તરત જ કાચબાએ દોરડાનો છેડો પોતાનાં મોમાંથી કાઢીને નાળિયેરના થડ સાથે બાંધી દિધો. હિપોપોટેમસ પૂરી તાકાતથી દોરડું ખેંચવા લાગ્યો. પણ તેનાથી દોરડું ખેંચાયું નહિ. થાકીને હિપોપોટેમસ પાણીની બહાર આવવા લાગ્યો. તેને જોઈને તરત જ કાચબો દોરડાનો છેડો પોતાના મોમાં લઈ લીધો. કાચબો તરત જ દોરડું ખેંચવાનો અભિનય કરવા લાગ્યો.હિપોપોટેમસે દોરડું ખેંચવા ખૂબ જોર કર્યું પણ સરોવરમાં કાચબાને ખેંચી શકયો નહી. આખરે તે ખૂબ થાકી ગયો. અંતે પોતાની હાર કબુલીને કાચબાને વિજેતા જાહેર કર્યો. આમ બુધ્ધિના જોરે કાચબો વિજેતા જાહેર થયો. બંન્ને એ તેને પોતાનો ભાઈબંધ બનાવ્યો. |