ખેડ બ્રહ્માથી શામળાજી જવાય છે. તલોદ સ્ટેશને ઊતરી મોડાસાથી પણ જવાય છે. મોડાસાથી 18 માઈલ ઉપ મેશ્વો નદીને કાંઠે ભીલોડા ગામ પાસે શામળાજીનું સ્થાન છે. આ સ્થાન ઈડર સંસ્થાનનાં જોવા યોગ્ય સ્થાનો માંનું એક છે.મહીકાંઠા અને મેવાડની સરહદ ઉપર શામળાજીનું સ્થાન છે. શામળાજી એ દશા અને નીમા વાણિયાના ઇષ્ટદેવ છે. અહીં બીજું કાંઈ નથી,તીર્થસ્થાનને અંગે સોએક માણસની વસ્તી હશે,પણ આસપાસનાં ખંડેરો જોતાં એક કાળે આ મોટું તીર્થસ્થાન હશે એમ લાગે છે. સ્થળ ઝાડીવાળું અને રમણીય છે. અત્યારે મુખ્ય મંદિર શામળાજીનું મનાય છે. આ મંદિર 400 વર્ષનું જૂનું છે, એમ ગેઝેટિયરમાં કહ્યું છે, પમ કદાચ વધારે જૂનુયે હોય.પદ્મપુરાણામાં આ તીર્થની નોંધ છે. મંદિર બે માળનું છે. ગર્ભગૃહ ઉપર શિખર છે અને મંડપના થાંભલાઓ ઉપર અને બીજે પણ પુષ્કળ કોતરમકામ છે.મંદિરને ફરતો કોટ છે. અને કોટના દરવાજા આગળ બેય બાજુ બે મોટા હાથીઓ ઊભા છે.