નવી દિલ્હી, તા. ૧૬
વિમાનવાહક જહાજ ગોર્શકોવની કિંમતનો વિવાદ ફરી એક વાર ચર્ચાની ચગડોળે ચઢયો છે. આ વિવાદમાં ભારતીય નેવીના સિનિયર ઓફિસર કોમોડોર સુખજીન્દર સિંહ અને રશિયન મહિલાનું સેક્સ સ્કેન્ડલ મુખ્ય કેન્દ્રબિંદુ હોવાનું માનવામાં આવે છે. ભારતના સંરક્ષણ પ્રધાન એ કે એન્ટોનીના જણાવ્યા મુજબ નેવીની તપાસમાં એ વાત પૂરવાર થઈ છે કે નેવીના સિનિયર અધિકારી અને રશિયન મહિલા વચ્ચે સુંવાળા સંબંધો હતા. જો કે આ સેક્સ સ્કેન્ડલને કારણે વિમાનવાહક જહાજ એડમિરલ ગોર્શકોવની કિંમતમાં વધારો થયો છે કે કેમ તેની તપાસ હજી બાકી છે.